Button Text! Submit original article and get paid. Find out More

ခရီးသည်တင်လာသည့် (၆) ဘီး ကုန်တင်ယာဉ်တစ်စီး လမ်းဘေးထနောင်းပင်အား ၀င်တိုက်၊ လူသုံးဦးသေဆုံး

Thursday, May 16, 2019

မကွေးတိုင်းဒေသကြီး မင်းဘူးမြို့နယ် မင်းဘူး-အမ်း ကားလမ်းမပေါ်တွင် ခရီးသည်များတင်ဆောင်လာသည့် ဂဏန်းကား (၆) ဘီးကုန်တင်ယာဉ် တစ်စီး လမ်းဘေးမှ ထနောင်းပင်အား ၀င်တိုက်မိ၍ လူသုံးဦး ပွဲချင်းပြီး သေဆုံးခဲ့ပါသည်။

မေလ ၁၆ ရက်နေ့ နံနက် ၇ နာရီ အချိန်ခန့်က မင်းဘူး-အမ်းလမ်း မိုင်တိုင် ၈/၂ အနီးရှိ ဆင်ဂေါင်းကျေးရွာနှင့် ဇီးအိုင်ကျေးရွာတို့ အကြားတွင် ဖြစ်ပွားခဲ့ခြင်းဖြစ်သည်။ ယဉ်အမှတ် 5h/6475၊ UD COUNTER အမျိုးအစားကားကိုမောင်းနှင်လာသူ အောင်မင်းသူ
ဆိုသူမှာ ယခုအခါ ထွက်ပြေးတိမ်းရှောင်နေကြောင်း သိရသည်။

ယာဉ်တိုက်မှုကြောင့် ယာဉ်ပေါ်တွင်လိုက်ပါလာသည့် အမ်းမြို့နယ်၊ တပ်တောင်မြို့ အမှတ်(၂) ရပ်ကွက်နေ ဦးမောင်လှအေး (၃၅) နှစ်၊ မခင်မြင့်ဝင်း (၃၅) နှစ်နှင့် မောင်စိုးဝင်းသန်းတို့မှာ ထိခိုက်ပေါက်ပြဲ ဒဏ်ရာများဖြင့် အခင်းဖြစ်နေရာ၌ပင် သေဆုံးခဲ့ကြရသည်။

အခြားထိခိုက်ဒါဏ်ရာရခဲ့သူများဖြစ်သည့် ကိုမျိုးညီညီနှင့် ကိုစိုးမင်းနိုင်တို့အား စကုမြို့ ပြည်သူ့ဆေးရုံမှာ ဆေးကုသမှုခံယူစေပြီး မစိုးရိမ်ရကြောင်း သိရှိရသည်။

ထွက်ပြေးသွားသည့် ယာဉ်မောင်း အောင်မင်းသူ (ခ) ပုတုအား အမြန်ဆုံး ပြန်လည်ဖမ်းဆီးရမိရေး ဆောင်ရွက်နေပြီး ယာဉ်(ပ) ၁၉/၂၀၁၉ ရာဇသတ်ကြီးပုဒ်မ ၃၀၄-က/၃၃၇ တို့ဖြင့် စကုနယ်မြေရဲစခန်းတွင် အမှုဖွင့်စစ်ဆေးဆောင်ရွက်လျှက်ရှိကြောင်း သိရပါသည်။

Isee Media